المحاسبة المالية / بداية طريقك / الدرس الاول
في البداية لازم تعرف ايه هي مراحل العملية المحاسبية بشكل مبسط ، وابسط مثال لشرحها هو محل البقاله
- تخيل إنك صاحب محل بقاله وبتبيع نقدي وآجل (الشكك) فالطبيعي انك هتسجل ما تم بيعه يوميا عشان متنساش اللي انت بعته بالاجل وتعرف حساب الناس اللي بتاخد شكك (آجل) ؟!! ، ودا ببساطه مفهوم القيد المحاسبي (دفتر بتسجل فيه العمليات اليومية ).
- اخر كل شهر بتحسب انت بعت بكام نقدي وكام آجل وحساب كل شحص اشتري منك بالاجل علي حده ، مثلا لو عندك 10 اشخاص بياخدوا آجل وكل يوم بيشتروا منك مرة او اتنين او ثلاثة فصعب ان تدي حساب كل شخص منهم بشكل منفرد الا اذا عملت تبويت اي تجميع كل مشتريات هذا الشخص فى صفحة واحدة عشان تعرف حاسبة كام ، ودا بيسمي بحساب الاستاذ (صفحة لكل عميل فيها حسابه ) .
- بعد الانتهاء من تبويب (تجميع) حسابات الاشخاص اللي اشتروا شكك (دول بيسموهم فى المحاسبه مدينين) بتحسب كل واحد عليه كام برقم واحد بس- مثلا احمد اشتري منك فى 30 يوم بضاعه بـ 1200 جنية وفى خلال الشهر دفعلك 200 جنية منهم فالباقى بعد طرح المبلغ اللى دفعه هو 1000 جنية اذا الناتج النهائي هو ان احمد مديون بـ 1000 جنية ودا بيسمي فى المحاسبة بميزان المراجعة (تلخيص حساب الشخص سواء كان عليه فلوس (مدين) او له فلوس (دائن) ) .
- اخر مرحلة وهي عرض القوائم المالية دي بتقوم بيها الشركات الكبيرة ، هناك ثلاث انواع من القوائم الماليه التي يتم عرضها
قائمة الدخل - قائمة المركز المالي - قائمة التدفقات الماليه
- و سنتطرق فى شرحهم فى التدوينات القادمة .
قائمة الدخل - قائمة المركز المالي - قائمة التدفقات الماليه
1 التعليقات:
انقر هنا لـ التعليقاتمقاله مفيده ولكن يرجى ذكر مصدر المقاله
ولكن لاستكمال المقاله لكم نوفر لكم نموذج اكسيل لعمل تسويه حساب البنك على لاكسيل مجانا
رابط التحميل https://pr7acc.blogspot.com/2018/12/bank-reconciliation.html
خارج الموضوع تحويل الاكوادإخفاء الابتساماتإخفاء